نوجوان فلم میکرز کو سینئرز کی رہنمائی حاصل کرنی چاہیے: صائمہ نور

لاہور (کلچرل رپورٹر) فلم سٹار صائمہ نور نے کہا کہ پاکستان فلم انڈسٹری کی بہتری اوربقا کے لیے نوجوان فلم میکرز کو سینئرز کی رہنمائی حاصل کرنی چاہیے‘مل کرکام کرنے اوراپنے سینئرزکی صلاح کے ساتھ مثبت نتائج ملیں گے۔ پاکستان میں فلمسازی کا عمل بڑی تیزی سے جاری ہے‘ ایک طرح سے دیکھا جائے تو یہ بہت خوش آئند بات ہے کہ ٹی وی سے تعلق رکھنے والے پروڈیوسر اور ڈائریکٹر اب فلمسازی کے شعبے میں کام کر رہے ہیں لیکن ان کا انداز فلم جیسا نہیں لگتا۔آج کی فلمیں دیکھ کر ایسا ہی محسوس ہوتا ہے کہ بڑی سکرین پر ڈرامہ دیکھ رہے ہوں۔