معروف فٹ بالر لیونل میسی شادی کے بندھن میں بندھ گئے

لاہور (سپورٹس ڈیسک ) ارجنٹائن کے سٹار فٹ بالر لیونل میسی کی شادی گزشتہ روز بچپن کی دوست انٹونیلا روکیوزو ہوگئی ۔ شادی کی تقریب آبائی شہرروزاریو میں ہوئی جس میں250سے زائد معروف کھلاڑیوں ‘ اہم شخصیات‘خاندان اور دیگر نے شرکت کی ۔ دلہن کا لباس ہوائی جہاز کے ذریعے لایا گیا جس میں دو باڈی گارڈ بھی ساتھ تھے ۔ تقریب کے دوران 450سے زائد پولیس اہلکاروں کو سکیورٹی کیلئے تعینات کیا گیا تھا ۔ تقریب کے دوران موبائل فونز بھی لانے سے روک دیا گیا ۔ ارجنٹائن کے مقامی اخبار نے شادی کو ’صدی کی بہترین شادی' قرار دیا ہے۔شادی میں 260 مہمانوں کو مدعو کیا گیا جن میں بارسلونا کی طرف سے میسی کے ساتھ کھیلنے والے سواریز اور نیمار بھی شامل تھے ۔زیادہ تر مہمان نجی طیاروں سے روزاریو پہنچے ہیں۔سکیورٹی کے لیے پولیس کی نفری تعینات کی گئی جبکہ ہوٹل کے اندر نجی سکیورٹی کمپنی کو ذمہ داری سونپی گئی تاکہ بن بلائے مہمانوں کو روکا جا سکے۔شادی کے منتظمین کا کہنا تھا کہ کوریج کے لیے 150 صحافیوں کو سپیشل پریس ایریا میں داخل ہونے کے پاس جاری کیے گئے جنہیںصرف پریس ایریا ہی میں رہنے کی اجازت تھی۔میسی اور روکوزو بارسلونا میں رہتے ہیں اور ان کے دو بیٹے ہیں۔روکوزو روسا کلارا کا تیار کردہ جوڑا پہنا۔ روسا بارسلونا کی بہت مشہور ڈیزائنر ہیں۔مہمانوں میں بارسلونا کی ٹیم مدعو ہے بشمول جیرلڈ پک اور ان کی پوپ سٹار اہلیہ شکیرا۔مقامی میڈیا کے مطابق شادی میں ارجنٹینا کے مشہور فٹ بالر میراڈونا کو بھی شرکت کی دعوت دی گئی ۔