لاہور (خصوصی رپورٹر) الیکشن 2018ءکے لئے مسلم لیگ(ن) نے نئے انتخابی ترانے تیار کرائے ہیں جن میں سے ایک گزشتہ روز مسلم لیگ(ن) کے مرکزی رہنما حمزہ شہباز نے سوشل میڈیا پیج پر جاری کیا ہے۔ اس انتخابی ترانے کے بول ہیں ”مسلم ہے تو مسلم لیگ میں آ“ یہ بول تحریک پاکستان کے اس معروف ترانے سے لیے گئے ہیں جس نے برصغیر میں تحریک پاکستان کے دوران مسلمانوں کو جگا دیا ہے، ترانے کے دوران مسلم لیگ(ن) کے صدر اور وزیراعلیٰ پنجاب کے ادوار حکومت میں ہونے والے ترقیاتی کاموں کی جھلک دکھائی گئی ہے جس میں پاور پلانٹ، میٹرو بس‘ اورنج لائن ٹرین، بالخصوص قابل ذکر ہیں۔ میاں شہبازشریف کے علاوہ اس ترانے میں میاں حمزہ شہباز کی پارٹی میں اہمیت کو بھی واضح کیا گیا ہے۔
ترانہ