اسلام آباد(اسپورٹس ڈیسک )فیفا ورلڈ کپ کے ناک آؤٹ مرحلے کے پہلے میچ میں فرانس نے ارجنٹائن کو سنسنی خیز مقابلے کے بعد 3-4 سے شکست دے کر عالمی کپ کی دوڑ سے باہر کرتے ہوئے کوارٹر فائنل میں جگہ بنا لی۔کازان ارینا میں کھیلے گئے میچ میں ایونٹ کے پہلے پری کوارٹر فائنل مقابلے میں دونوں ٹیموں نے ابتدا سے جارحانہ کھیل پیش کیا اور ایک دوسرے کے گول پر حملے کیے۔فرانس نے جلد ہی ایک شاندار موو بنائی اور گول سے چند گز کے فاصلے پر فاؤل کے نتیجے میں ریفری نے فرانس کو پینالٹی ایوارڈ کر دی، جس پر گریزمین نے گول میں کوئی غلطی نہ کی۔اس کے بعد بھی فرانس کو گول کرنے کا ایک اور نادر موقع ملا لیکن گریزمین کی لگائی ہوئی فری ہٹ گول پوسٹ سے لگ کر واپس آ گئی۔پہلے ہاف کے اختتام سے چند منٹ قبل ارجنٹائن کے اینجل ڈی مریا نے شاندار فری ہٹ پر گول اسکور کر کے مقابلہ برابر کردیا۔پہلے ہاف کے اختتام تک مقابلہ برابر تھا لیکن دوسرے ہاف کے آغاز میں ہی ارجنٹائن نے فرانس کے دفاع کو چیرتے ہوئے حملہ کیا اور کپتان لیونل میسی کی ہٹ ساتھی کھلاڑی گیبریئل مرساڈو کے پیر سے ٹکرا کر گول میں چلی گئی اور یوں ارجنٹائن نے برتری حاصل کر لی۔تاہم ارجنٹائن کی یہ خوشی زیادہ دیر برقرار نہ رہ سکی اور 9 منٹ بعد ہی میچ کے 57ویں منٹ میں بنجیمن پیورڈ نے جاندار کک لگاتے ہوئے گیند کو گول میں پہنچا کر مقابلہ پھر برابر کردیا۔اس موقع پر فرانس کی ٹیم نے بہترین انداز میں میچ میں واپسی کی اور ارجنٹائن کے کمزور دفاع کا پردہ ایک مرتبہ پھر چاک کرتے ہوئے ایمبائے نے پے درپے 64 ویں منٹ اور 68 ویں منٹ میں دو گول داغ کر اپنی ٹیم کو میچ میں 2-4 کی برتری دلادی۔شائقین فٹبال کے لیے پرتگال کی شکست انتہائی حیران کن ہے کیوں کہ پرتگال ورلڈ کپ کی فیورٹ ٹیموں میں سے ایک تھی جبکہ اس سے قبل ہونے والے پہلے ناک آؤٹ میچ میں فرانس نے لائنل میسی کی ارجنٹائن کو 3-4 سے شکست دے کر باہر کردیا تھا۔فٹبال ورلڈ کپ میں اب دنیائے فٹبال کے دو عظیم کھلاڑی رونالڈو اور میسی ایکشن میں نظر نہیں آئیں گے کیوں کہ ان کی ٹیمیں باہر ہوچکی ہیں۔سوچی میں کھیلے گئے پری کوارٹر فائنل میچ میں یوروگوئے نے شروع ہی سے پرتگال پر دباؤ بنائے رکھا اور کھیل کے 7 ویں ہی منٹ میں یوروگوئے کے کاوانی گیند کو جال میں ڈال کر اپنی ٹیم کو ایک صفر کی برتری دلادی۔پہلے ہاف کے اختتام پر یوروگوئے کو ایک صفر کی برتری حاصل تھی۔دوسرے ہاف میں پرتگال کے کھلاڑیوں نے جارحانہ انداز اپنایا اور 55 ویں منٹ میں پے پے نے گول کرکے مقابلہ 1-1 سے برابر کردیا۔تاہم پرتگال کی یہ خوشی زیادہ دیر برقرار نہ رہ سکی اور 62 ویں منٹ میں کاوانی نے ایک بار پھر شاندار گول کرکے اپنی ٹیم کی برتری 1-2 کردی جو کھیل کے آخر تک برقرار رہی اور یوروگوئے نے کوارٹر فائنل میں جگہ بنالی۔کوارٹر فائنل میں یوروگوئے کا مقابلہ فرانس سے ہوگا۔