چاچا کرکٹ نے پی سی بی سے ناراضی کا اظہار کردیا

لاہور(سپورٹس ڈیسک )پاکستان کرکٹ کو سپورٹ کرنیوالے چاچا کرکٹ پی سی بی سے ناراض ہوگئے، انہوںنے کہاکہ کوچز کو تو 50، 50 لاکھ روپے دیئے جارہے ہیں، ان کو 50 روپے بھی نہیں دیتے، پی سی بی نے مراعات دینے کا یقین دلایا تھا مگر اب تو بورڈ کے لوگ ان کا مذاق اڑاتے ہیں۔انہوں نے بتایا کہ پی سی بی سے زبانی معاہدہ ہے، ابوظہبی سے 70 ہزار روپے کی نوکری چھوڑ کر آیا تھا، پی سی بی حکام نے وعدہ کیا تھا کہ کھلاڑیوں اور آفیشلز جیسی سہولتیں ملیں گی۔چاچا کرکٹ نے مزید کہا کہ ٹیم کو سپورٹ کرنے جاتا ہوں تو پی سی بی والے مذاق اڑاتے ہیں، پی سی بی نے میرے ساتھ جو کیا اس کے بعد ان کا نام کچھ اور ہونا چاہئے۔