پیپلز پارٹی برسراقتدار آکر عوام کا احسان محرومی دور کریگی: نورین سلیم

لاہور(خبر نگار) پیپلز پارٹی کی صوبائی حلقہ پی پی 146سے نامزد امیدوار نورین سلیم نے اپنی انتخابی مہم کا آغاز کردیا ہے انہوں نے اپنے حلقہ انتخاب چیمبرلین روڈ گوالمنڈی کے لوگوں سے ڈور ٹو ڈور انتخابی مہم کے دوران گفتگو کرتے ہوئے کہا ہے کہ اس حلقہ سے پیپلزپارٹی کامیاب ہوگی اور ایک بار پھر عوام کی خدمت کرے گی ،پیپلزپارٹی عوام کا احساس محرومی دور کرنے کے لئے ہر قدم اٹھائے گی ،یہ ذوالفقارعلی بھٹو کی جماعت ہے جو غریب دوست اقدامات کے لئے اپنی منفرد شہرت رکھتے ہیں۔پارٹی کے سنیئر جیالوں خالد بٹ اور نصیر احمد کے ساتھ حلقہ کے ووٹرز سے ملاقات کے دوران نورین سلیم نے کہا کہ میرے والد نے اس حلقہ سے بھٹو شہید اور بی بی شہید کی پیپلز پارٹی کو زندہ رکھا تھا اب میں اپنے والد کے نقش قدم پر چلتے ہوئے یہاں سے پارٹی کو کامیاب کروائوں گی۔