ڈپٹی کمشنر خانیوال کا رورل ہیلتھ سنٹر، لینڈ ریکارڈ سنٹر ٹھٹھہ صادق آباد کا دورہ

خانیوال،جہانیاں،نواں شہر (نمائندہ خصوصی، نمائندہ نوائے وقت)ڈپٹی کمشنر خانیوال ظہیر عباس شیرازی نے اسسٹنٹ کمشنر جہانیاں بابر سلمان چیمہ کے ہمراہ رورل ہیلتھ سنٹر ٹھٹھہ صادق آباد، قانگو ئی لینڈ ریکارڈ سنٹر ٹھٹھہ صادق آباد کا اچانک دورہ کیا انہوں نے ہسپتال کی عمارت صفائی انتظامات سٹاف ڈاکٹرز کی حاضری ایکسرے لیبارٹری لیبر روم ایمرجنسی وارڈ کی چیکنگ، ادویات کے سٹاک اس پر درج ایکسپائری ڈیٹ چیک کرنے کے ساتھ کورونا ویکسینیشن سنٹر پر شہریوں کی آمد کے حوالہ سے باز پرس  سمیت دیگر سہولیات کا جائزہ لیا ،بعد ازاں دیہی مرکز مال چک نمبر 136 کا دورہ کیا اور سینٹر کا معائنہ کیا، بعدازاںڈپٹی کمشنر  ظہیر عباس شیرازی نے اچانک کبیروالا شہر کا دورہ کرکے  صفائی کی صورتحال کا جائزہ لیا سیور لائنوں کی ڈی سلٹنگ جاری رکھنے کی ہدایت کی۔