ناقص کارکردگی پر سرکل پولیس افسروں کی سرزنش‘وضاحتی لیٹر جاری 

لاہور(نامہ نگار) ڈی آئی جی آپریشنز لاہور کیپٹن (ر) محمد سہیل چودھری کی زیر صدارت اعلیٰ سطحی اجلاس ہوا۔ اجلاس میں ٹاپ12 سرکلز کے کرائم کنٹرول اور زیر تفتیش مقدمات کی تکمیل بارے کارکردگی کا جائزہ لیا گیا۔ ایس ڈی پی اوکاہنہ، چوہنگ، ٹاؤنشپ، شاہدرہ، ڈیفنس، رائیونڈ سٹی،باغبانپورہ،سبزہ زار، مغلپورہ، نارتھ کینٹ اور متعلقہ ایس ایچ اوز نے شرکت کی سہیل چودھری نے نیشنل ایکشن پلان، لوکل اینڈ اسپیشل لائ، اشتہاری مجرمان کی عدم گرفتاری اور مقدمات کی تفتیش بروقت مکمل نہ کرنے پرسرکل افسران کی سرزنش کرتے ہوئے وضاحتی لیٹرزجاری کر دئیے۔