عبدالحادی اور حجاب ہسپتال پہنچ کر دم توڑ گئے ،عاصمہ شدید زخمی،ملزم طاہر فرار ، دوکوٹہ میں عرفان نے مقدمہ بازی پر بھائی اور بھابھی کو فائرنگ کر کے قتل کر ڈالا 

ملتان ،شجاع آباد،سکندر آباد،کوٹلی نجابت،میلسی ، دوکوٹہ،مترو ،احمد پور سیال،گگو منڈی،کوٹ ادو(نمائندہ خصوصی،نمائندہ نوائے وقت،تحصیل رپورٹر،نامہ نگار،خبر نگار) گھریلو جھگڑے پر شوہر نے بیوی پر فائرنگ کردی, ماں کو بچاتے بیٹا اور بیٹی جاں بحق ،دیگر واقعات میں میاں بیوی سمیت 6افراد قتل تفصیل کے مطابق شجاع آباد میں تلکوٹ سکول کے نزدیک ناجائز تعلقات کے شبہ پرطاہر گجرنے اپنی بیوی عاصمہ پر فائرنگ کردی ۔ماں کو بچانے کیلئے آنیوالے 24 سالہ عبدالحادی اور 26 سالہ حجاب فائرنگ کی زد میں آکر شدید زخمی ہوگئے۔ ریسکیو 1122 کی ٹیموں نے موقع پر سے تینوں زخمیوں کو تحصیل ہیڈ کوارٹر ہسپتال منتقل کیا لیکن بیٹا اور بیٹی زخموں کی تاب نہ لاتے ہوئے جان کی بازی ہار گئے جبکہ بیوی کو شدید زخمی حالت میں نشتر ہسپتال منتقل کردیا گیا۔ ملزم طاہر گجر موقع سے فرار ہو گیا ۔تھانہ سٹی پولیس نے موقع پر پہنچ کر ابتدائی کارروائی کا آغاز کردیا ہے۔ دوکوٹہ،مترو سے نامہ نگار،نمائندہ نوائے وقت کے مطابق نواحی موضع رتھ سعی کے رہائشی نعمان ارشد اپنی بیوی ناصرہ کے ہمراہ پولیس چوکی دوکوٹہ میں اپنے بھائی عرفان کیخلاف اپنے بیٹے کے قتل کی در خو ا ست دے کر گھر واپس جا رہے تھے کہ قاتل عرفان نے اپنی والدہ اللہ رکھی سے مل کر اپنے بھائی نعمان ارشد اور بھابھی ناصرہ کو فائرنگ کرکے قتل کردیا ۔قاتل ماں اور بیٹا موقع سے فرار ہوگئے اطلاع ملتے ہی ڈی ایس پی انوسٹی گیشن اور ایس ایچ او مترو پولیس کی بھاری نفری کے ہمراہ موقع پر پہنچ گئے۔ نعشوں کو پوسٹ مارٹم کے لئے ہسپتال منتقل کردیا ۔ جبکہ قاتلوں کی گرفتاری کے لیے ٹیمیں تشکیل دے دی گئیں ہیں مقتول نعمان ارشد کے دو بیٹے اور دو بیٹیاں بتائی جاتی ہیں جن کی عمریں آٹھ سال سے کم ہیں۔احمد پور سیال سے نمائندہ نوائے وقت کے مطابق  بنگلہ یاسمین میں پرانی رنجش کی بنا پر وجھی برادری کے دو گر و پوں کے مابین اندھا دھند فائرنگ کے تبادلہ کے نتیجہ میں راہگیر سمیت 3افراد جاں بحق 4شدید زخمی ہوگئے۔ ذرائع کے مطابق جاں بحق ہونے والے افراد میں لیاقت وجھی ، شوکت اور ایک راہگیر شامل ہیں۔ پولیس اطلاع ملتے ہی جائے وقوعہ پر پہنچ گئی۔گگو منڈی سے نامہ نگار کے مطابق چک نمبر251ای بی کا نمبر دار غلام نبی اپنے کھیتوں میں چارہ کاٹ رہا تھا کہ اس دوران موٹر سائیکل سوار ملزمان نے آ کر اس پر گولیوں کی بوچھاڑ کر دی جن کی زد میں آ کر غلام نبی نمبر دار موقع پر ہی ہلاک ہو گیا جبکہ ملزمان موقع سے فرار ہو گئے۔ یاد رہے کہ 2002میں ممبر ضلع کونسل میاں شاہ رسول وٹو کو لاری اڈا گگو پر دن د یہا ڑ ے فائرنگ کر کے غلام نبی اور اس کے ساتھیوں نے قتل کر دیا تھا اور اس مقدمہ میں غلام نبی کو عمر قید کی سزا ہوئی تھی اور وہ کچھ عرصہ قبل ہی سزا کاٹ کر رہا ہو کر گھر آ یا تھا کہ آ ج خود قتل ہو گیا۔کوٹ ادوسے خبر نگارکے مطابق دائرہ دین پناہ میں گھریلو جھگڑے پر شہباز مشوری اپنے دیگر ساتھیوں جہانگیر مشوری ارشاد مشوری اور خضر مشوری کے ہمراہ چادر اور چار دیواری کا تقدس پامال کرتے ہوئے داخل ہوگیا اور حفیظ اللہ مشوری کی ضعیف العمر بیوی وزیراں میں سے اس کے بیٹے آصف کا پوچھا نہ بتانے پر اس پر تشدد کیا اور بالوں سے پکڑ کر صحن میں گھسیٹتے رہے جس کے اس کے کپڑے پھٹ گئے اور شدید زخمی کر د یا ۔ پولیس نے مقدمہ درج کرکے کارروائی شروع کردی ۔