نائب سربراہ پاک فضائیہ نے کہا ہے کہ نیشنل ڈیفنس یونیورسٹی میں فراہم کردہ تعلیم و تربیت کا معیار قابلِ تعریف ہے۔ترجمان پاک فضائیہ کے مطابق نائب سربراہ پاک فضائیہ نے نیشنل ڈیفنس یونیورسٹی کے کورس شرکاء سے خطاب کرتے ہوئے کہا کہ نیشنل ڈیفنس یونیورسٹی میں فراہم کردہ تعلیم و تربیت کا معیار قابلِ تعریف ہے۔انہوں نے پاکستانی مسلح افواج کی جنگی صلاحیتوں پر اعتماد کا اظہار کیا. ان کا کہنا تھا کہ ہماری مسلح افواج علاقائی سالمیت اور قومی خود مختاری کے دفاع کے لئے ہمہ وقت تیار ہیں، پاک فضائیہ ملک کے خلاف کسی بھی جارحیت اور مذموم ارادے کا بروقت جواب دینے کی بھرپور صلاحیت رکھتی ہے۔ترجمان پاک فضائیہ کا کہنا تھا کہ نائب سربراہ پاک فضائیہ نے کورس کے شرکاء سے تبادلہ خیال بھی کیا۔