قصور (نمائندہ نوائے وقت)قصور کے مختلف علاقوں میں لگائے گئے واٹر فلٹریشن پلانٹس مناسب دیکھ بھال نا ہونے سے ٹوٹ پھوٹ کا شکار،کئی کئی ماہ فلٹرتبدیل نہیں کئے جاتے،آلودہ پانی پینے سے مختلف امراض پھیلنے لگے ہیں۔قصور کے مختلف علاقوں کوٹ حلیم خان،غلام محمد خاں،سہاری روڈ اور دیگر علاقوں میں شہریوں کے لیے لگائے جانے والے صاف پانی کے واٹر فلٹرجوکہ شہریوں کے لیے کسی نعمت سے کم نا تھا مگر موجودہ انتظامیہ کی لاپرواہی کی وجہ سے ٹوٹ پھوٹ کا شکار ہیں اور کئی جگہوں پر تو ٹوٹیاں ہی غائب ہیں۔