سرگودھا‘ قصور‘ پیر محل میں3بچوں‘تین خواتین سے زیادتی

سرگودھا‘قصور‘فیروزوالہ‘ پیر محل‘ گگو منڈی (نمائندہ خصوصی‘نامہ نگاران‘نمائندہ نوائے وقت) اوباشوں نے 3بچوں سمیت 3خواتین کوہوس کانشانہ بناڈالا۔ سرگودھا‘ پیر محل میں اوباش ملزموں نے بچے اور 2 خواتین جبکہ گگو منڈی میں چچا نے بھتیجی کو زیادتی کا نشانہ بنا ڈالا جو حاملہ ہو گئی۔ سرگودھا میں 2 اوباشوں نے 8 سالہ بچے کو زیادتی کا نشانہ بنا ڈالا۔دو اوباش نوجوانوں نے گھر میں گھس کر ایک بچے کی ماں کو اس کی بہن کے سامنے زیادتی کا نشانہ بنا ڈالا۔قصور کے نواح پھولنگر کے علاقے میں اوباش نے کمسن بچے کو زیادتی کا نشانہ بنادیا۔تھانہ فیروزوالا کی آبادی ونڈالہ دیال شاہ میں رکشہ ڈرائیور نے نو عمر لڑکے (ب)کو ورغلا کر ویران جگہ پر لے جا کر زیادتی کا نشانہ بنا ڈالا‘ شرقپور میں نوکری دلوانے کا جھانسہ دے کر نوجوان عمر گل خان نے طلاق یافتہ خاتون (س) کیساتھ زیادتی کر ڈالی۔