الیکشن کے ذریعے کسی بھی یونین کا وجود عمل میں آنا خوش آئند ہو تاہے

گوجرخان (نامہ نگار)سی ڈی اے مزدور یونین کے جنرل سیکرٹری چوہدری محمد یاسین اور سینئرنائب صدر تحصیلدار سی ڈی اے یونین مرزا سعید  نے کہا ہے کہ الیکشن کے ذریعے کسی بھی یونین کا وجود عمل میں آنا کمیونٹی کے اعتماد کا ضامن ہوتا ہے پوٹھوہار پریس کلب گوجرخان کے نومنتخب عہدے داران اپنے ادارے اور صحافیوں کی فلاح ،ترقی کے لیے بھرپور کردار ادا کریں گے پوٹھوہار پریس کلب کے موجودہ انتخابات میں کامیابی حاصل کرنے والوں کو مبارکباد پیش کرتے ہیںان خیالات کااظہارانہوں نے گزشتہ روز نو منتخب عہدہ داران صدر ملک جاوید اقبال جنرل سیکرٹری راجہ عمر لطیف سینئر نائب صدر ملک راشد ایڈیشنل سیکرٹری مرزا ندیم فنانس سیکرٹری عامر قریشی گورننگ باڈی کے ممبر ضیاء رشید کو مبارکباد پیش کرتے ہوئے کیا جبکہ اس موقع پر طلعت محمود سیال احمد نواز کھوکھر راجہ ضیاء الحق قدیر خان خواجہ ظہیر اختر بھی موجود تھے۔