گوجرخان،مسلح ڈاکوئوں نے دو گھروں کے مکینوں کو گن پوائنٹ پر یرغمال بنالیا 

 گوجرخان(نامہ نگار) گوجرخان ڈہوک گجراں شہزادنا می شخص کے گھر سے ڈاکو چار لاکھ روپے نقدی اور13تو لہ سونے کے زیورات لوٹ کرفرار ہوگئے اشتیاق نامی شخص کے گھر سے بھی ڈاکو چار لاکھ روپے نقدی اورطلائی زیورات لوٹنے کے بعد فرار ہو گئے ذرائع کے مطابق مسلح ڈاکوئوں نے گن پوائنٹ اہل خا نہ کو یرغمال بنایا اور تشدد بھی کیا اطلاع ملنے پر پو لیس تھانہ مندرہ کاعملہ موقع پر پہنچ گیااد ھر عبدالرئوف سکنہ داتا بھٹ نے پولیس تھانہ جاتلی کو بتایا کہ وہ اپنے اہل خانہ کے ہمراہ اپنے سالے کے گھر گیا ہوا تھا اور رات کو وہاں ہی قیام کیا صبح آکر دیکھا تو نامعلوم چور گھر سے چار عدد طلائی انگوٹھیاں، ایک عدد طلائی کانٹے کی جوڑی،ایک عددطلائی بالیاں کی جوڑی اور نقدی مبلغ دو لاکھ روپے چوری کر کے لے گئے ادھرمحمد الطاف ہاشمی سکنہ محلہ حافظ آبادنے پولیس تھانہ گوجرخان کو بتایا کہ اس نے اپنا موٹرسائیکل تحصیل کے احاطے میں کھڑا کیاایک گھنٹہ بعد آکر دیکھا تو موٹرسائیکل موجود نہ تھا جسے کسی نے چوری کرلیا ہے پولیس نے ایف آئی آر درج کر کے تفتیش شروع کر دی ہے۔