غزہ جنگ کے دوران کی گئی اسرائیلی بمباری ، گولہ باری اور فائرنگ کے باعث  اتوار کی شام تک پچھلے چوبیس گھنٹوں کے دوران ہونے والی فلسطینیوں کی ہلاکتوں کی تعداد 43 بتائی گئی ہے۔ وزارت صحت کی طرف سے جاری کیے گئے اسی بیان میں زخمی ہوچکے فلسطینیوں کی اب تک کی تعداد 86969 بتائی گئی ہے۔ جبکہ غزہ کی پٹی پر جاں بحق ہونے والے فلسطینیوں کی تعداد اتوار کے روز تک 37877 ہو گئی ہے۔ اس امر کا اعلان غزہ میں قائم فلسطینی وزارت صحت نے جاری کردہ تازہ اعداود شمار میں کیا ہے۔ یہ اعداد و شمار سات اکتوبر سے لے کر30 جون تک کے ہیں۔ واضح رہے ان جاں بحق ہونے والے فلسطینیوں میں دو تہائی تعداد فلسطینی بچوں ، بچیوں اور عورتوں کی ہے۔