لاہور(سپورٹس رپورٹر+نمائندہ سپورٹس) ڈائریکٹوریٹ سپورٹس پنجاب میں بطور ڈپٹی ڈائریکٹر اینڈ کوچز خدمات انجام دینے والے محمد حفیظ بھٹی کی گریڈ 18 سے 19 میں ترقی ہو گئی۔ صوبائی سلیکشن بورڈ کے مارچ میں ہونے والے اجلاس میں محمد حفیظ بھٹی کی گریڈ 18 سے 19 کی منظوری دیدی گئی تھی۔
گذشتہ روز باقاعدہ حفیظ بھٹی کو ڈائریکٹوریٹ سپورٹس پنجاب میں گریڈ 19 میں ترقی کے بعد ڈائریکٹر سپورٹس اینڈ کوچنگ ڈائریکٹوریٹ سپورٹس پنجاب میں تعینات کرنے کے احکامات جاری کر دیئے گئے ہیں۔ اس سے پہلے اس عہدہ پر تعینات گریڈ 19 کے شیخ انیس احمد کی خدمات یوتھ افیئرز سپورٹس، آرکیالوجی اینڈ ٹورازم ڈیپارٹمنٹ کے سپرد کر دی گئی ہیں۔