لاہور ( سپورٹس رپورٹر+نمائندہ سپورٹس) رمضان المبارک فلڈ لائٹس باسکٹ بال ٹورنامنٹ میں فر ینک فائیو کلب نے ڈان باسکو اردو میڈیم بی کو شکست دے کر ایونٹ کا شاندار آغاز کیاجبکہ ڈی ایچ اے اور ڈان باسکو اردو میڈیم نے مسلسل دوسری کامیابی حاصل کرلی۔ آج ایونٹ میں مزید چار میچ کھیلے جائیں گے۔
ڈان باسکو ہائی سکول میں جاری ایونٹ کے تیسرے روز کھیلے جانے والے پہلے میچ میں ڈی ایچ اے نے لاہور سکول آف اکنامکس کی ٹیم کو بآسانی 41-22 کے سکور سے زیر کیا۔ دوسرے میچ میں ڈان باسکو اردومیڈیم اے نے یونیورسٹی آف لاہورکے خلاف 71-52کے سکور سے کامیابی حاصل کی۔ تیسرے میچ میں فرینک فائیو کلب نے ڈان باسکو اردو میڈیم بی کو 47-34پوائنٹس سے شکست دی۔ پہلا میچ ڈان باسکو اردو میڈیم اے اور ڈان باسکو انگلش میڈیم اے ، دوسرا میچ ایل ایس ای اور ڈان باسکو اردو میڈیم بی ، تیسرا میچ ڈی ایچ اے اور فرینک فائیو جبکہ چوتھا میچ یونیورسٹی آف لاہور اور راوینز کلب کے مابین کھیلا جائے گا۔