شریف برادران محب وطن، انکا جینا مرنا ملک و قوم کیلئے ہے: شہزاد نذیر سندھو

رائے ونڈ(نامہ نگار) چیئرمین یوسی سلطانکے صوبائی امیدوار چودھری شہزاد نذیر سندھو نے کہا ہے کہ نواز شریف اور شہباز شریف محب وطن قیادت ہے جن کی ہر بات کو یقینی بنانے اورعملی جامہ پہنانے کیلئے ہر ممکن کوشش کرنا میری اولین ترجیح ہے، سیاست عوام کی خدمت کا نام ہے اور خدمت جذبے سے ہوتی ہے، مسلم لیگ(ن) کی قیادت کا جینا مرنا عوام کے ساتھ ہے، میاں برادران نے عوامی خدمت میں نام کمایا ہے، ایک سیاسی جماعت کے قائد نے الزام تراشی میں نام بنایا ہے ان عناصر کو عوامی منصوبوں کی مخالفت بہت مہنگی پڑے گی، ترقی مخالف سیاسی عناصر کو عوام کی عدالت میں جواب دیناہو گا، انہوں نے کہاہے کہ مضبوط معیشت عوام کی خدمت ن لیگ کا عزم اور مشن ہے، غربت اور افلاس کے شکار عوام کی محرومیاں ختم کرکے دم لیں گے، مخالفین کچھ بھی کہیں، ہم عوام کی خدمت کرتے رہیں گے، دھرنا گروپ نے جھوٹ بول کر قوم میں اپنی ساکھ کو خراب کیا ہے ۔