ملتان( سپورٹس ڈیسک) ماریہ شراپووا، سیمونا ہالیپ، انجلیق کیربر اور نوویک جوکووچ فرنچ اوپن کے تیسرے مرحلہ میں داخل ہوگئے ہیں پیرس جاری ایونٹ میں خواتین کے دوسرے راؤنڈ میں 2بار فرنچ اوپن چیمپئن شراپووا نے کروشین کھلاڑی دو ناویکک کو5-7، 4-6 سے ہرادیا۔ دوسرے میچ میں عالمی نمبر ایک سیمونا ہالیپ نے امریکہ کی وائلڈ کارڈہولڈر ٹیلر ٹاؤن سنڈ کو3-6، 1-6سے کورٹ بدر کردیا۔سابق عالمی نمبر1 انجلیق کیربر نے اینا بوگڈان کو ایک گھنٹہ کے کھیل میں 2-6، 3-6 سے شکست دی۔ فرنچ اوپن ٹینس ٹورنامنٹ میں سربیا کے سٹار پلیئر نوواک جوکووچ نے سپین کے حریف کو ہرا کر تیسرے راؤنڈ میں جگہ پکی کر لی، مردوں کے دوسرے راؤنڈ میں سابق عالمی نمبر ایک نوواک جوکووچ کا مقابلہ سپین کے جاؤما مونار کیساتھ ہوا، جوکووچ نے پہلا سیٹ سخت مقابلے کے بعد سات چھ سے جیتا، دوسرے سیٹ میں بھی انہیں با آسانی چھ چار سے فتح ملی، تیسرے سیٹ میں ایک بار پھر انہوں نے ہسپانوی حریف کو ہرا کر تیسرے مرحلے میں جگہ بنا لی۔