سحر و افطاراورتراویح کے دوران گھریلوصارفین کوبجلی کی مسلسل فراہمی جاری ہے:مجاہدعلی چٹھہ

لاہور(نیوزرپورٹر)لاہور الیکٹرک سپلائی کمپنی ( لیسکو ) کے چیف ایگزیکٹو مجاہد پرویز چٹھہ کا کہنا ہے کہ لاہور سمیت تمام لیسکو ریجن میں سحر و افطاراور تراویح کے دوران گھریلو صارفین کو بجلی کی مسلسل فراہمی جاری ہے جبکہ بجلی کی اضافی پیداوار ہونے کے باعث مسلسل چلنے والی صنعتوں اور ٹیکسٹائل انڈسٹریز کے پرائم صارفین کو بھی مسلسل بجلی فراہم کی جارہی ہے ۔ان کا کہنا تھا کہ مسلسل پچیس روزوں کے دوران لیسکو کے کنٹرول روم اور فیلڈ اسٹاف نے بھرپور طریقے سے کام کرتے ہوئے اپنے معزز صارفین کو ہر ممکن ریلیف فراہم کیا ۔ ان کے مطابق یکم رمضان سے لے کر اب تک تمام فیلڈ دفاتر اور اسٹاف ہائی الرٹ ہیں اور صارفین کی شکایات کا فی الفور ازالہ کیا جارہا ہے۔ لیسکو کے چیف ایگزیکٹو مجاہد پرویز چٹھہ کا کہنا ہے کہ رواں رمضان المبارک میں اب تک لیسکو کا سسٹم مکمل طور پر کام کررہا ہے اور لیسکو کے تمام گھریلو صارفین کو ہر ممکن ریلیف فراہم کیا جارہا ہے۔