امریکی نمائندہ خصوصی برائے افغانستان زلمے خلیل زاد کی کل اسلام آباد آمد متوقع

اسلام آباد (صباح نیوز) امریکی نمائندہ خصوصی برائے افغانستان زلمے خلیل زاد کی 2 جون کو اسلام آباد آمد متوقع ہے۔ نجی ٹی وی کے مطابق زلمے خلیل زاد وزارت خارجہ میں پاک، امریکہ دوطرفہ مشاورتی اجلاس میں شرکت کریں گے۔پاکستانی وفد کی قیادت ایڈیشنل سیکرٹری امریکہ کریں گے جبکہ امریکی وفد کی قیادت کی سربراہی زلمے خلیل زاد کرینگے۔اجلاس میں دوطرفہ تعلقات اور علاقائی سلامتی کے امور زیر غور آئیں گے۔ زلمے خلیل زاد افغان مفاہمتی عمل میں پاکستان سے رہنمائی حاصل کریں گے۔ امریکی وفد اعلیٰ سول و عسکری حکام سے ملاقاتیں بھی کریگا۔امریکی نمائندہ خصوصی برائے افغانستان زلمے خلیل زادسیکرٹری خارجہ سہیل محمود سے ملاقات بھی کرینگے۔ زلمے خلیل زاد کی تاحال وزیر خارجہ شاہ محمود قریشی سے ملاقات طے نہیں ۔ وزیراعظم سے ملاقات طے کرانے کیلئے امریکی حکام سرگرم ہیں مگران سے تاحال زلمے کی ملاقات شیڈول نہیں کی جاسکی۔