حضرو (نمائندہ نوائے وقت ) پولیس چوکی ہٹیاں کی حدود گائوں بہادر خان میں حالیہ دنوں میں چوری کی وارداتیں بڑھ گئیں گزشتہ روز جند سے آنے والا ایک شخص اپنی کیری ماڈل 2007نمبری LEA-5245پر بہادر خان آیا جہاں اس نے گاڑی اپنے قریبی رشتہ داروں کے گھر کے باہر کھڑی کی تھوڑی دیر بعد واپس آیا تو نا معلوم چور اس کی گاڑی لیکر فرار ہو چکے تھے واقعے کی اطلاع فوری طور پر 15پر دی گئی لیکن چوبیس گھنٹے گزرنے کے با وجود پولیس چوروں کو پکڑنے میں ناکام ہے چند روز قبل بھی اسی گائوں سے ایک نیا موٹر سائیکل گھر کے باہر سے چوری کر لیا گیا تھا جسکی اطلاع مقامی پولیس کو دی گئی لیکن پولیس نے ابھی تک کسی بھی چور کو پکڑنے میں ناکام ہے مقامی آبادی کے مطابق گائوں میں چھوٹی موٹی چوری کی وارداتیں بھی ہو رہی ہیں لیکن پولیس کوئی بھی چور نہیں پکڑ سکی بڑھتی ہوئی چوری کی وارداتوں سے عوام عدم تحفظ کا شکار ہو چکے ہیں مقامی آبادی نے ڈی پی او اٹک سے اپیل کی ہے کہ وہ گاڑی اور موٹر سائیکل چوری کرنے والے گروہ کو پکڑوانے میں اپنا کردار بھرپور طریقے سے ادا کریں تاکہ عوام کو تحفظ مل سکے ۔