اظہرعلی اکیڈمی ٹی 20ٹورنامنٹ:پاک لائنز اور عبدالقادر اکیڈمی کی جیت

لاہور(سپورٹس رپورٹر) اظہر علی اکیڈمی ٹونٹی ٹونٹی کرکٹ ٹورنامنٹ میں پاک لائنز اور عبدالقادر کرکٹ اکیڈمی نے اپنے اپنے میچز جیت لیے۔ پاک لائنز نے اظہر علی اور عبدالقادر اکیڈمی نے ماڈل ٹاؤن گرینز کو شکست دے دی۔ اظہر علی اکیڈمی نے پہلے بیٹنگ کرتے ہوئے صرف تہتر رنز ہی بنا سکی۔ علی دلشاد انیس اور معیز رانا 13 رنز بنا کر نمایاں رہے۔ عمر ایمان نے تین، حنین شاہ اور صمامہ ریاض دو دو وکٹیں حاصل کیں۔ پاک لائنز نے ایک وکٹ کے نقصان پر مطلوبہ ہدف حاصل کر لیا۔ حمزہ نواز نے اکتالیس اور واجد اللہ نگ بتیس رنز سکور کیے۔ دوسرے میچ میں ماڈل ٹاؤن گرینز نے نو وکٹوں کے نقصان پر ایک سو سینتیس رنز سکور کیے۔ شکیل احمد پچپن اور ذیشان احمد بائیس رنز کے ساتھ نمایاں رہے۔ علی امان شاہ نے چار، عاصم نے دو اور عبدالمقیت نے ایک وکٹ حاصل کی۔ عبدالقادر کرکٹ اکیڈمی نے پانچ وکٹوں کے نقصان پر مطلوبہ ہدف حاصل کر لیا۔ فرحان قمر اڑتیس، عاصم سینتیس اور شمس الدین چھبیس رنز کے ساتھ نمایاں رہے۔ شالوم دلشاد نے دو اور ابراہیم نے ایک وکٹ حاصل کی۔