ماؤنٹ ایورسٹ سرکرنیوالے کم عمر ترین پاکستانی کوہ پیماشہروزکاشف لاہورپہنچ گئے

لاہور(سپورٹس رپورٹر)ماؤنٹ ایورسٹ سر کرنے والے پاکستان کے کم عمر ترین کوہ پیما شہروز کاشف لاہور پہنچ گئے۔ گھر پہنچنے پر کوہ پیما شہروز کاشف کااستقبال کیا گیا، ان پر پھول بھی  نچھاور کیے گئے۔شہروز کاشف کا کہنا ہے کہ کامیابی پورے پاکستان کی ہے، والد کے سوا کسی نے سپورٹ نہیں کیا۔انہوں نے کہا کہ پہاڑ سر کرنے کا خواب پورا ہونے پر اللہ کا شکرگزار ہوں۔ کم عمر کوہ پیما نے کہا کہ کوہ پیمائی بہت مشکل ہے، سفر میں بے شمار مشکلات کا سامنا کرنا پڑا۔شہروز کاشف نے کہا کہ پاکستانیوں کی محنت دیکھ کر تمام تکالیف بھول گیا ہوں۔