لاہور(نامہ نگار) سی آئی اے پولیس نے ٹک ٹاک پر اسلحہ کی نمائش کرنے والے فرقان گینگ کے 3 ملزمان کوگرفتار کرلیا ہے ۔گرفتار ملزمان میں گینگ کا سر غنہ فرقان طاہر،اس کا ساتھی اسامہ علی اور کامران ظفر شامل ہیں۔گرفتار ملزمان سے ناجائز اسلحہ4جدید رائفلز،2پسٹلز اور گولیاں برآمد ہوئی ہیں۔،ایس ایس پی شعیب خرم جانبازنے کہا ہے کہ ملزمان ہوائی فائرنگ اور اسلحہ کی نمائش اور سوشل شل میڈیا ٹک ٹاک پر ویڈیو وائرل کرکے سنسنی پھیلاتے تھے۔ملزمان کے خلاف ہوائی فائرنگ اوراسلحہ کی نمائش کا مقدمہ درج کرلیا گیا ہے۔