حافظ آباد(نمائندہ نوائے وقت) حافظ آباد شہر میں گذشتہ روز کی بارش نے ضلعی انتظامیہ کی جانب سے خدمت آپکی دہلیز پروگرام کا پول کھول دیا۔ بارش کے بعد علی پورروڈ سمیت شہر کے متعدد علاقوں میں نکاسی آب کے نالہ جات بند ہونے سے گندگی وغلاظت سڑکوںپر پھیل گئی جبکہ اکثر علاقوںمیں پانی کھڑا ہونے اور گٹروںکے ابلنے سے تعفن پھوٹنے لگا۔ جس کی وجہ سے شہریوںکو اپنے گھروںسے باہر نکلنا بھی محال ہوگیا۔ شہریوںنے اس ناگفتہ بہ صورت حال پر شدید احتجاج کرتے ہوئے اسے ڈپٹی کمشنر اور میونسپل کارپوریشن کے افسران کی نااہلی قراردیتے ہوئے کہا ہے کہ شہر میں صفائی ستھرائی کے لئے کھوکھلے دعوے کرنے کی بجائے عملی اقدامات بروئے کارلائے جائیں۔