لاہور (نیوز رپورٹر) سیکرٹری جنگلات کیپٹن (ر) ظفر اقبال نے چھانگا مانگا سائٹ اور فاریسٹ پارک کا دورہ کیا جہاں ڈی ایف او چھانگا مانگا شاہد تبسم نے انہیں چھانگا مانگا سے متعلق بریفنگ دی اور گذشتہ کچھ عرصہ میں وہاں کی جانے والی شجرکاری پر تفصیلی رپورٹ پیش کی۔ سیکرٹری جنگلات نے چھانگا مانگا وائلڈ لائف پارک میں جنگلی حیات کو مہیا کی جانے والی سہولیات کا جائزہ لیا۔پارک میں تفریح کیلئے آئے لوگوں سے بھی ملاقات کی اور سہولیات بارے دریافت کیا۔