ویسٹ انڈیز کیخلاف سیریز، قومی ٹیم کا تربیتی کیمپ آج سے شروع 

لاہور (سپورٹس رپورٹر) ویسٹ انڈیز کیخلاف سیریز کیلئے قومی کرکٹ ٹیم کا تربیتی کیمپ آج سے لاہور میں شروع ہوگا جس کیلئے 16 رکنی سکواڈ میں شامل تمام کھلاڑیوں کو قذافی سٹیڈیم میں رپورٹ کرنے کی ہدایت کر دی گئی۔ویسٹ انڈیز کیخلاف سیریز کیلئے قومی کرکٹ ٹیم کے انگلینڈ میں کاؤنٹی کرکٹ کھیلنے میں مصروف تمام کھلاڑی بھی یکم جون سے لاہور قذافی سٹیڈیم میں تربیتی کیمپ کو جوائن کر لیں گے۔ورلڈ کپ سپر لیگ کے سلسلہ میں تین ون ڈے انٹرنیشنل پر مشتمل سیریز کے میچز 8، 10 اور12 جون کو شیڈول ہیں۔پی سی بی نے ویسٹ انڈیز کیخلاف ون ڈے سیریز میں کھلاڑیوں کو جارحانہ کرکٹ کھیلنے کی ہدایت کردی ہے۔