ویمنز ٹی ٹونٹی رینکنگ، قومی کرکٹرز کی پوزیشن میں بہتری

لاہور(سپورٹس رپورٹر)انٹرنیشنل کرکٹ کونسل نے ویمنز ٹی ٹونٹی پلیئرز کی نئی رینکنگ جاری کردی ‘سپنر انعم امین ٹاپ فائیو میں آگئیں۔ وہ 2 درجے بہتری کے ساتھ چوتھی پوزیشن پر پہنچ گئیں۔بائولنگ کے شعبے میں ندا ڈار کی ٹاپ ٹین میں واپسی ہوئی، انہوں نے 4 درجے ترقی پاکر رینکنگ میں 10ویں پوزیشن حاصل کرلی۔آل رائونڈرز کی فہرست میں بھی ندا ڈار کے نمبر میں بہتری آئی ہے، وہ نویں سے ساتویں پوزیشن پر آگئیں ہیں۔بیٹرز کی کیٹیگری میں کپتان بسمہ معروف 24ویں پوزیشن اور عائشہ نسیم 64ویں پوزیشن پر ہیں۔