احمد پور سیال(نمائندہ نوائے وقت) چناب کالج احمد پور سیال میں طلبہ وطالبات کے ہاتھوں سے تیار کردہ مختلف ماڈلز کی نمائش کا اہتمام کیاگیا ۔گورنمنٹ ہائی سکول احمد پور سیال کے سینئر ٹیچرز سید سبط الحسن بخاری ، کاظم حسین چدھڑ اور سابق کونسلر پیر عبدالرحمن مہمان خصوصی تھے جنہوں نے پرنسپل پروفیسر سید غلام عباس بخاری کے ہمراہ ربن کاٹ کر نمائش کا افتتاح کیا۔طلبہ وطالبات اس نمائش کے ذریعے اپنے اندرچھپے ہوئے ٹیلنٹ کو بروئے کار لائے ۔