ملک کے دس ہوائی اڈوں سے عازمینِ حج کی سعودی عرب روانگی کا سلسلہ جاری

 اسلام آباد (نامہ نگار) ملک کے دس ہوائی اڈوں سے پاکستانی عازمینِ حج کی سعودی عرب آمد کا سلسلہ جاری ہے، ترجمان وزارت مذہبی امور کے مطابق مدینہ منورہ میں بدھ 31 مئی  تک53 پروازوں کے ذریعے 31 ہزار 241 پاکستانی عازمینِ حج سعودی عرب پہنچ گئے،27 ہزار سے زائد پاکستانی عازمین حج مدینہ منورہ میں قیام پزیر ہیں،ڈی جی حج عبدالوہاب سومرو انتظامات کا جائزہ لینے کیلئے مکہ سے مدینہ منورہ پہنچ گئے،4 ہزار سے زائد عازمینِ حج جدید بسوں کے ذریعے مکہ مکرمہ پہنچ گئے ہیں۔ ترجمان کے مطابق معلمین نے احرام پہنے عازمینِ حج کا مکہ مکرمہ پہنچنے پر پرتپاک استقبال کیا، پاکستان سے جدہ ایئرپورٹ پر براہ راست پروازوں کا سلسلہ 5 جون سے شروع ہو گا۔