ٹی 20 ورلڈ کپ ، افتتاحی تقریب آج ، میچز کل سے شروع ، پاکستان ٹیم پہنچ گئی 

لاہور(سپورٹس رپورٹر)امریکہ میں کرکٹ کی تاریخ کا سب سے بڑا میلہ کل سے شروع ہوگا۔تاریخ میں پہلی بار آئی سی سی ٹی 20عالمی کرکٹ کپ امریکہ میں منعقد ہو رہا ہے۔ آخری وارم اپ میچ آج بنگلہ دیش اور بھارت کے درمیان نیویارک میںہوگا۔یہ میچ پاکستان کے وقت کے مطابق رات ساڑھے سات بجے شروع ہو گا۔آج نیویارک میں رات کے وقت ٹی ٹونٹی ورلڈ کپ کی افتتاحی تقریب ہوگی۔ پاکستان کرکٹ ٹیم کپتان بابر اعظم کی قیادت میں لندن سے امریکہ پہنچ گئی جہاں وہ عالمی ٹی 20 کپ میں شرکت کریگی۔پاکستان کرکٹ ٹیم کا ایک گروپ 19 ارکان پر مشتمل ہے جن میں کھلاڑی اور مینجمنٹ کے ارکان شامل ہیں جبکہ دوسرے گروپ میں 9 کھلاڑی اور مینجمنٹ کے ارکان شامل ہیں۔ٹی ٹونٹی ورلڈ کپ کاپہلا میچ میزبان امریکہ اور کینیڈا کے درمیان کل2جون کو کھیلا جائیگا۔کل ویسٹ انڈیز کے شہر پروویڈنس میں دوسرا میچ ویسٹ انڈیز اور پاپوانیو گینی کے درمیان کھیلا جائیگا۔