ورلڈ کپ بالکل مختلف گیم‘ بہتر نتائج دیں گے: بابر اعظم 

لاہور(سپورٹس رپورٹر)قومی ٹیم کے کپتان بابراعظم نے کہا ہے کہ سیریز ہارنے کا افسوس ہے، سیریز جیت کر ٹی ٹونٹی ورلڈ کپ میں بلند حوصلوں کیساتھ جانے کی ضرورت تھی۔ ورلڈ کپ بالکل مختلف گیم ہے اس میں بہتر نتائج دیں گے۔ بلاشبہ مڈل اوورز میں بیٹرز نے ذمہ داری سے بیٹنگ نہیں کی اور وکٹیں گنوائیں، یکے بعد دیگرے وکٹیں گرنے سے بڑا سکور نہیں کرسکے۔ بائولرز نے بھی اچھی بائولنگ نہیں کی اور زیادہ رنز دئیے، اعظم خان سمیت تمام کا انتخاب میرٹ پر ہوا، شکست کے بعد سوالات اٹھتے ہیں۔ کھلاڑیوں کو ماڈرن کرکٹ کھیلنی پڑے گی، جیت کیلئے سٹرائیک ریٹ بھی بڑھانا ہوگا۔ امریکہ کی کنڈیشنز سے واقف نہیں لیکن ویسٹ انڈیز کی کنڈیشنز سے بخوبی آگاہ ہیں، تمام کھلاڑیوں کو اپنے رول کا پتا ہے ورلڈ کپ میں تمام کھلاڑیوں کو ذمہ داری لینا ہوگی۔ فتوحات کے سفر پر دوبارہ گامزن ہونے کیلئے ماڈرن کرکٹ کھیلنی ہوگی۔