بابر ‘رضوان کی اوپننگ جوڑی کو تبدیل کرکے ٹیم کو تباہ کیا گیا : رمیز راجہ  

لاہور(سپورٹس رپورٹر)سابق چیئرمین پی سی بی و کمنٹیٹر رمیز راجہ نے  کہا کہ پاکستانی ٹیم کے موجودہ سکواڈ میں ایسے کھلاڑی نہیں ہیں جو تیز سٹرائیک ریٹ کیساتھ کھیل سکیں، ہمیں تجرباتی موڈ سے باہر نکلنا ہوگا۔ ہمیں سٹرائیک ریٹ فوبیا ہوچکا ہے۔ بابر اور رضوان کی اوپننگ جوڑی کو تبدیل کرکے ٹیم کو تباہ کردیا گیا ہے، ٹیم میں مڈل آرڈر کا کوئی کردار ہی سمجھ نہیں آرہا ہے، 2، 2 وکٹ کیپرز کھیل رہے ہیں، سپنرز سے گیند گھوم نہیں رہی ہے۔