حضرو (نمائندہ نوائے وقت)پیپلز پارٹی اٹک کے رہنما سردار عمر حیات خان نے کہا کہ بلاول بھٹو کی قیادت میں پارٹی کی قوت میں اضافہ ہوا ہے پیپلز پارٹی کے قائدین نے سردار سلیم حیدر خان کو گورنر پنجاب کا عہدہ دے کر پارٹی کارکنوں کے دل جیت لیے ہیں ان خیالات کا اظہار انہوں نے عرش ٹریول اینڈ پراپرٹی کی افتتاحی تقریب کے دوران بطور مہمان خصوصی شرکت کے بعد میڈیا کے نمائندوں سے گفتگو کرتے ہوئے کیا اس موقع پر  ضلعی رہنما نصیر خان جدون ملک محمد اقبال، سوشل میڈیا کوارڈینٹر بابر مغل ، ایڈیشنل سکریڑی اطلاعات محمد صدیق،  عارف خان اصغر اعوان معروف صحافی نثار علی خان لطف الرحمن ، میزبان شخصیات لالہ سکندر خان ، یاسر خان، محمد جنید اور انکے ساتھی موجود اور دیگر معززین علاقہ بھی موجود تھے سردار عمر حیات خان نے کہا ہمارے خاندان نے ہمیشہ پاکستان پیپلز پارٹی کے وفا کی اور مرتے دم تک وفا کریں گے انہوں نے جو عزت پیپلز پارٹی ورکرز کو دیتی ہے وہ دوسری سیاسی جماعتیں نہیں دیتی ۔