کراچی میں انٹرمیڈیٹ امتحانات کا آغاز،رینجرز تعینات

کراچی میں اعلیٰ ثانوی تعلیمی بورڈ کے تحت انٹرمیڈیٹ کے سالانہ امتحانات کا آغاز ہو گیا،حساس امتحانی مراکز پر رینجرز کو تعینات کردیا گیا ۔ امتحانات میں ایک لاکھ 39 ہزار سے زائد طلبا و طالبات شرکت کررہے ہیں جبکہ صبح اور شام کی شفٹوں میں مجموعی طور پر 180 امتحانی مراکز قائم کئے گئے ۔چیئرمین انٹر بورڈ نسیم میمن نے کہا کہ کراچی میں 26سینٹرز کو حساس قرار دیا گیاجہاں رینجرز تعینات کردی گئی ۔انہوں نے کہا کہ امتحانات میں شفافیت کے لئے پہلی دفعہ کاپیوں میں کیو آر کوڈ کا فیچر بھی ڈالا، پرچہ آئوٹ ہونے کی صورت میں پتہ چل جائے گا کس امتحانی مرکز سے آئوٹ ہوا۔نسیم میمن نے کہا کہ دوران امتحان کے الیکٹرک سے لوڈشیڈنگ نہ کرنے کی بات کی ، امتحانی مراکز میں کسی قسم کی ڈیوائس، موبائل فون یا نقل کا مواد لانے پر پابندی ہے۔انہوں نے کہا کہ تمام امتحانی مراکز پر دفعہ 144 نافذ ہے، امتحانی مراکز کے اطراف فوٹو سٹیٹ کی مشینیں دوران امتحان بند رہیں گی، امتحانات کے دوران موبائل فون لانے پر ضبط کر لیا جائے گا۔