دبئی اوپن ٹینس ٹورنامنٹ : راجرفیڈرڈ‘ ڈجکووک‘ برڈچ‘ ڈیل پوٹرو سیمی فائنل میں پہنچ گئے

دبئی (سپورٹس ڈیسک) نووک ڈجکووک، ٹام برڈچ، جورین ڈیل پوٹرو اور راجر فیڈرر نے دبئی اوپن ٹینس ٹورنامنٹ کے سیمی فائنل کیلئے کوالیفائی کر لیا۔ کوارٹر فائنلز میں جواین ڈبل پوٹرو نے برانڈز کو چھ چار اور چھ دو، ٹام برڈچ نے ٹرسنوف کو چھ تین اور چھ دو، نووک ڈجکووک نے سیپی کو چھ صفر اور چھ تین جبکہ راجر فیڈرر نے ڈیوی ڈینکو کو چھ دو اورچھ دوسے ہرایا۔ ڈبلز کوارٹرفائنلز مقابلوں میں ارلچ اور ژوژہنی کی جوڑی نےگرینولرز اور لوپیز کی جوڑی کو چھ تین اور چھ چار سے شکست دی۔ بوپنا اور رام کی جوڑی نے ہنسکو اور روسل کی جوڑی کیخلاف چار چھ، سات پانچ اور دس چار سے کامیابی حاصل کی۔ بھوبتی اور لوڈرا کی جوڑی نے فرسٹنبرگ اور مٹکوسکی کی جوڑی کے خلاف چار چھ، چھ چار اور دس آٹھ سے کامیابی سمیٹی۔