نوشہرہ: حلقہ 6 سے پی ٹی آئی کے امیدوار سراج خان کا مسلم لیگ (ن) میں شمولیت کا فیصلہ

پشاور (آن لائن) تحریک انصاف کے نوشہرہ سے رکن قومی اسمبلی سراج خان نے الیکشن 2018ء میں مسلم لیگ (ن) کے پلیٹ فارم سے لڑنے کا فیصلہ کرلیا،آئندہ ایک سے دو روز میں مسلم لیگ (ن) میں شمولیت کا باقاعدہ اعلان کریں گے۔ تفصیلات کے مطابق نوشہرہ سے قومی اسمبلی کے حلقہ 6سے پی ٹی آئی کے امیدوار سراج خان نے حلقے کی عوام کی خواہش پر آئندہ الیکشن (ن) لیگ کے پلیٹ فارم سے لڑنے کا فیصلہ کرلیا ہے۔آئندہ چند دنوں میں سراج خان وفاقی دارالحکومت اسلام آباد میں مسلم لیگ (ن) کی اعلیٰ قیادت سے ملاقات کے بعد پی ایم ایل(این) میں باضابطہ شمولیت کا اعلان کریں گے۔