لاہور (نامہ نگار) شہرکے مختلف علاقوں میںڈاکوئوںاور چوروںنے وارداتوں کے دوران متعدد شہریوں سے لاکھوں روپے کی نقدی، طلائی زیورات،موبائل فون، گاڑیاں ، موٹر سائیکلیں اور دیگر سامان لوٹ لیاہے۔ ڈاکوئوں نے کوٹ لکھپت کے علاقے میں ندیم کے گھر گھس کر اہلخانہ کو گن پوائنٹ پر یرغمال بنا کر3لا کھ روپے، پرانی انارکلی کے علاقہ میں زاہد کے گھر سے2لاکھ روپے، گلشن اقبال کے علاقہ میں اقبال کے گھر سے2لاکھ روپے،کاہنہ کے علاقہ صوئے آصل میں نعمان کے گھر سے2لا کھ روپے کی نقدی، طلائی زیورات،موبائل فون اور دیگر سامان، ڈیفنس میں احمد کی فیملی کو یرغمال بنا کر 3لاکھ روپے، مغلپورہ میں ثاقب کی فیملی کو یرغمال بنا کر ایک لاکھ روپے کی نقدی، طلائی زیورات،موبائل فون، گاڑیاں ، موٹر سائیکلیں اور دیگر سامان لوٹ لیا ہے۔ ڈاکوؤں نے شہر کے مختلف علاقوں میں راہزنی کی 7 وارداتوں میں شہریوں سے ہزاروں روپے نقدی اور موبائل فون لوٹ لئے ہیں۔چوروں نے شمالی چھائونی میں سے یوسف، مصطفی آباد میں سے کاشف کی گاڑیاں جبکہ اکبری گیٹ میں سے عرفان، شادباغ میں رشید، مسلم ٹائون میں اعجاز، ہڈیارہ میں طاہر، لٹن روڈ سے فاروق، ٹاؤن شپ سے منور کی موٹرسائیکلیں چوری کر لی ہیں۔