دبئی(آئی این پی)پاک فضائیہ کے ہاتھوں گرفتار ہونے والے بھارتی ونگ کمانڈر کی چائے پینے کی تصاویر پر سابق کپتان شاہد آفریدی کا بیان بھی سامنے آگیا ۔قومی ٹیم کے سابق کپتان شاہد آفریدی نے ٹویٹر پر بھارتی قیدی کی یہ تصویر شیئر کرکے لکھا ہے کہ مجھے اپنی افواج پر فخرہے، ہم اپنے دشمنوں کے ساتھ ایسا حسن سلوک کرتے ہیں،بھارت کی جانب سے جنگی جنون کا پاگل پن ختم ہونا چاہیئے،ہم امن پسند قوم ہے اور اس واحد حل مذاکرات ہیں جس کی دعوت ہمارے وزیر اعظم عمران خان کی جانب سے بھی دی گئی ہے۔پاکستان کرکٹ ٹیم کے آل راونڈر فہیم اشرف نے پاک آرمی کی شرٹ زیب تن کرلی۔پاکستان سپر لیگ میں اسلام آباد یونائیٹڈ کی نمائندگی کرنے والے فہیم اشرف نے پاکستان آرمی سے یکجہتی کے لئے اپنی دو تصاویر بھی شیئر کی ہیں جس میں ان کا کہنا ہے کہ میں پاکستان ہوں، میں پاک آرمی ہوں۔