عمران خان کا بھارتی پائلٹ ابھی نندن کی رہائی کا اعلان، بھارت میں ملاجلا ردعمل کراچی وزیر اعظم عمران خان کی طرف سے امن اور جذبہ خیر سگالی کے تحت گرفتار بھارتی پائلٹ ابھی نندن کو رہا کرنے کے اعلان کی بھارت میں جہاں تعریف کی جارہی ہے وہیں اس اقدام کو مودی کی جیت قرار دیا جارہا ہے،صحافی برکھادت کاکہنا ہےکہ عمران کے اقدام سے کشید گی کم کرنے کے دروازے کھل چکے ہیں، صحافی نیدی ورما نے کہا کہ یہ عمران خان کی جانب سے فل ٹاس نو بال پر چھکا لگاکر میچ جیتنا ہوا جبکہ کرن بیدی کا کہنا ہےکہ رہائی بھارت کے مضبوط موقف و عالمی دبائو کے باعث ہوئی،صحافی آر جگناتھن نے کہا کہ حکومت موقف پر ڈٹے رہے،پاکستان کے وزیر اعظم عمران خان کی جانب سے بھارتی پائلٹ کی رہائی کے اعلان کے بعد بھارت میں انتہا پسندوں اور جنگی جنون کا شکار مین اسٹریم میڈیا اور سوشل میڈیا پائلٹ کی رہائی کو مودی کی پالیسیوں کی کامیابی قرار دے رہا ہے