اداکارہ ریما خان طویل عرصہ بعد فلم بنائیں گی

لاہور(کلچرل رپورٹر)اداکارہ ریما خان طویل عرصہ بعد فلم بنائیں گی جس کا سکرپٹ مکمل ہوگیا ہے اور اب دیگر کاغذی کارروائی مکمل کی جارہی ہے جس کے بعد میوزک اور کاسٹ فائنل کی جائے گی۔ریما خان کی فلم کا سکرپٹ خلیل الرحمٰن قمر نے لکھا ہے۔ یاد رہے کہ ریما خان ماضی میں پروڈیوسر اور ڈائریکٹر کی حیثیت سے دو فلمیں ’کوئی تجھ سا کہاں‘‘ اور’’ لو میں گم ‘‘ بناچکی ہیں جس کے علاوہ انہوں نے کئی ٹی وی پراجیکٹ بھی پروڈیوس کئے۔