لاہور(نمائندہ سپورٹس) نسیم شاہ کی بائولنگ سپیڈ سے زیادہ معیار پر توجہ مرکوز ہے،پیسر کا کہنا ہے کہ شعیب اختر کا ریکارڈ توڑنے کے بارے میں نہیں سوچتا، یارکر سمیت بائولنگ میں اپنی مہارت بہتر بنانا چاہتا ہوں۔نسیم شاہ نے کہا کہ میں شعیب اختر کا انٹرنیشنل کرکٹ میں تیز ترین گیند کرانے کا ریکارڈ توڑنے کے بارے میں نہیں سوچتا، میری توجہ یارکرز میں مہارت سمیت اپنی بائولنگ کا معیار بہتر بنانے پر مرکوز ہے،ابھی تک ٹی ٹونٹی میچز میں ملک کی نمائندگی کا موقع نہیں ملا، اس فارمیٹ میں بھی قومی ٹیم میں جگہ بنانا چاہتا ہوں۔ بنگلہ دیش کیخلاف ٹیسٹ میں ہیٹ ٹرک کرنیوالے کم عمر ترین بولر کا اعزاز حاصل کرنا یادگار لمحہ تھا، اپنی کامیابی کے سفر میں ہمیشہ محنت پر یقین رکھا،نوجوانوں کیلئے بھی پیغام ہے کہ یہی راستہ اختیار کریں۔