خانیوال : درخت پر لٹکائے گئے پتلوں سے خوف و ہراس‘ قیاس آرائیاں

خانیوال (خبرنگار) درخت پر لٹکائے گئے پتلوں نے علاقہ میں خوف وہراس پھیلا دیا۔ تفصیل کے مطابق اسٹیڈیم روڈ پر واقع ایک کباڑ کی دکان کے باہر عرصہ دراز سے درخت پر پتلے لٹکانے کاعمل شروع ہوا دیکھتے ہی دیکھتے یہ درخت پتلوں سے بھرگیا جس کو دیکھ کر کسی ڈراؤنی فلم کا سین یاد آجاتا ہے درخت پر لٹکے ان پتلوں کے باعث علاقہ میں خوف و ہراس پیدا ہوگیا۔ خصوصاً بچے درخت کے نزدیک نہیں لگتے بلکہ سکول کالج جانیوالے اکثر طلبا نے اپنا راستہ ہی بدل لیا ہے۔ درخت پر لٹکے ان پتلوں بارے میں اب مختلف قیاس آرائیاں شروع ہوگئی ہیں اور کہا جانے لگا ہے کہ یہ جادوئی پتلے ہیں۔کچھ لوگ کہتے ہیں بابا جی آتے ہیں۔کچھ کہتے ہیں لوگ خرید کرتے ہیں اور بہت سی جہالت کے انبار ہیں ان کے ساتھ جڑے ہوئے ہیں شہریوں کا کہنا ہے اس درخت سے ایسے پْتلے ختم کرائے جائیں تاکہ ایسی دقیا نوسی باتوں کا خاتمہ اور خوف وہراس ختم ہوسکے۔