حافظ آباد:پارکنگ انتظامیہ،ٹریفک پولیس کی ملی بھگت  سے بوگس چالان کاٹنے لگی 

حافظ آباد(نمائندہ خصوصی، نامہ نگار) شہری یاسر عرفات ڈی ایچ کیو ہسپتال میں اپنے ایک عزیز کی عیادت کے لیے آیا اور اپنی موٹر سائیکل دی ایچ کیو ہسپتال کی دیوار کے ساتھ کھڑی کرکے ہسپتال چلا گیا۔ دریں اثناء اسٹینڈ انتظامیہ کے ایک ملازم نے موٹر سائیکل وہاں سے اسٹینڈ میں منتقل کر دیا اور شہری کے آنے پر اسے ٹریفک پولیس کی جاری کردہ نو پارکنگ فیس پر جرمانہ کر دیا۔ شہری کے استفسار پر اسٹینڈ پر تعینات ملازم کا کہنا تھا کہ ٹریفک والوں نے پرچیاں ان کے حوالے کی ہوئی ہیں۔ جن کا وہ پورا حساب لیتے ہیں۔ شہری یاسرعرفات نے ٹریفک پولیس کی چیرہ دستیوں پر احتجاج کرتے ہوئے کہا کہ ٹریفک پولیس کے اہلکار ہی چالان کی پرچی کاٹ سکتے ہیں۔