حافظ آباد(نمائندہ نوائے وقت+نمائندہ خصوصی+نامہ نگار) نامعلوم چور حافظ آباد کے فوارہ چوک سے شہری کا موٹر سائیکل چرالے گئے۔ خالد پرویز سکنہ محلہ حبیب گنج نے اپنا موٹر سائیکل فوارہ چوک میں کھڑ اکیا اور خود بازار چلا گیا ۔اس دوران نامعلوم چور اسکا موٹر سائیکل چراکر رفو چکر ہوگئے۔ دوسری جانب نامعلوم چور محلہ حسین پور ہ کے رہائشی ارشد ولد محمد اسلم کے ڈیرہ پر کھڑی ہارویسٹر مشین کی بیٹری اور دیگر لوہے کا سامان چرالے گئے۔