گوجرانوالہ(نمائندہ خصوصی )فائونڈر گروپ ڈی سی کالونی الیکشن میں مخالفین کو کلین بورڈ کردے گا ، سابق تین سالہ دور ڈی سی کالونی کی تاریخ کا سیاہ ترین دور ثابت ہوا جس میں   رہائشیوں کے حقو ق پر ڈاکہ ڈالا گیا اور سوسائٹی کے قیمتی اثاثوںکو لوٹا گیا یہ مفادات پرست ٹولہ دوبارہ سوسائٹی پر مسلط ہونے کے خواب دیکھ رہا ہے ڈی سی کالونی کے غیور شہری ان کے خواب چکنا چور کردیں گے ، ان خیالات کا اظہار فائونڈر گروپ کے نامزدامیدوار برائے صدرحاجی امجد سلیم بٹ، امیدوار برائے نائب صدر محمد نسیر چیمہ، امیدوار برائے سیکرٹری معظم علی دھدرا ،امیدواربرائے فنانس سیکرٹری مہر محمد فاروق شیرا نے فائونڈر گروپ کے نامزد امیدوار ایگزیکٹو ممبر حاجی مدثر احمد چیمہ کی جانب سے رہائشیوں کے اعزاز میں عشائیے سے خطاب کر تے ہوئے کیا انہوں نے کہا کہ فائونڈر گروپ کا سابقہ مثالی اور شاندار دور تھا ڈی سی کالونی کے رہائشیوں کے مسائل ترجیہی بنیادوں پر حل ہوئے ، کالونی کی تعمیر و ترقی کا سفر جہاں پر رکا تھا وہی سے دوبارہ شروع کریں گے ،اس موقع پر چیئرمین یوسی بینکہ چوہدری عنصر محمود سندھو ،کونسلرگکھڑ عدنان انور بٹ ،سابقہ چیئرمین میونسپل کمیٹی گکھڑ وسیم یعقو بٹ، ارسلان ثاقب انصاری رضوان اکرام بٹ زاہد چیمہ ،ڈاکٹر فراز رانا جاوید ایڈووکیٹ نے حاجی مدثر احمد چیمہ اور فائونڈر گروپ کی حمایت کا اعلان کیا تقریب سے محمد نصیر چیمہ ،معظم علی دھدرا ،مہر محمد فاروق ،عادل چٹھہ انور مہر ،میاں مصدق حسین ملک مقصود ، حاجی پرویز بٹ سمیت دیگر مقررین نے بھی خطاب کیا ۔