لاہور (سپورٹس رپورٹر) پاکستان سپر لیگ سیزن 9 میں کوئٹہ گلیڈی ایٹرز نے کراچی کنگز کو آخری گیند پر شکست دیدی۔کراچی کے نیشنل سٹیڈیم میں کھیلے گئے میچ میں کوئٹہ گلیڈی ایٹرز کے کپتان رائیلی روسو نے ٹاس جیت کر کراچی کو پہلے بیٹنگ کی دعوت دی۔کراچی نے 8 وکٹوں پر 165رنز بنائے، جیمز وینس 37 اور محمد نواز نے 28 رنز کی اننگز کھیلی، شان مسعود اور حسن علی 2 ،2 رنز بنا سکے۔ٹم سیفرٹ 21 ، کیرون پولارڈ 13 اور شعیب ملک نے 12 رنز بنائے جبکہ انور علی نے 25 رنز کی اننگز کھیلی۔ ابرار احمد نے 3 ، عقیل حسین اور اسامہ طارق نے 2 ،2 وکٹیں حاصل کیں۔ 166 رنزکا ہدف کوئٹہ گلیڈی ایٹرز نے آخری گیند پرپانچ وکٹوںپر حاصل کرلیا۔ شرفین ردرفورڈ نے 58 رنز کی ناقابل شکست جارحانہ اننگز کھیلی۔جیسن رائے 52‘سعود شکیل چوبیس ‘خواجہ نافع دو‘سرفرازاحمد تین ‘رائیلی روسوچھ رنز بناکر آئوٹ ہوئے ۔عقیل حسین 22رنز پر ناقابل شکست رہے ۔ کوئٹہ کی پانچ وکٹیں 89رنز پرگر چکی تھیں ۔ شرفین ردر فورڈ اور عقیل حسین نے مزید کوئی وکٹ نہ گرنے دی اور ہدف حاصل کرلیا۔ شرفین ردر فورڈ کو میچ کا بہترین کھلاڑی قرار دیا گیا۔