سینٹ کی خالی نشستوں پر فوری الیکشن کرایا جائے: پیپلز پارٹی  

اسلام آباد (نمائندہ خصوصی) پاکستان پیپلز پارٹی نے سینٹ کی خالی نشستوں پر فوری الیکشن کرانے کا مطالبہ کیا ہے۔ الیکشن کمشن کو لکھے گئے خط میں پیپلز پارٹی نے کہا کہ سینٹ کی 11 نشستیں خالی ہوگئی ہیں۔ رکن اسمبلی منتخب ہونے والے متعدد سینیٹرز مستعفی ہوگئے ہیں۔ سینٹ میں یوسف رضا گیلانی، جام مہتاب، نثار کھوڑو، غفور حیدری، سرفراز بگٹی،  نزہت صادق، صادق سنجرانی، شہزادہ عمر، مرحوم رانا مقبول، شوکت ترین اور انوار الحق کاکڑ کی نشستیں خالی ہوئی ہیں۔ سینٹ کی نشستیں کئی سینٹرز کے مستعفی ہونے کے بعد خالی ہوئی ہیں۔ عام انتخابات میں کچھ سینیٹرز قومی اسمبلی کے رکن منتخب ہوئے ہیں۔