فیروزوالہ (نامہ نگار) تھانہ فیروز والا کی آبادی ونڈالہ دیال شاہ میں اغوا ہونے والی جواں سالہ خاتون ثمینہ بی بی آشنا اشفاق سمیت قتل، پولیس نے دونوں لاشیں برآمد کر لیں۔ بتایا گیا ہے کہ ونڈالہ دیال شاہ کے رہائشی شوکت علی کی بیوی ثمینہ بی بی 5روز قبل گھر سے اغوا ہوگئی۔ پولیس نے نامعلوم افراد کے خلاف اغوا کے الزام میں مقدمہ درج کر لیا۔ پولیس کو اطلاع ملی اغوا ہونے والی خاتون کو اس کے قریبی رشتہ دار نے مغویہ اور اس کے آشنا اشفاق احمد سمیت قتل کر کے ان کی لاشیں نہر کے کنارے  گہرے گڑھے میں چھپا دی ہیں۔ پولیس نے اطلاع ملنے پر دونوں لاشوں کو برآمد کر کے قبضہ میں لے لیں۔ پولیس نے پوسٹ مارٹم کے لیے ہسپتال بھجوا دیں، مقتول اشفاق کا تعلق لاہور سے بتایا گیا ہے۔ لاہور میں اس کے اغوا  کا مقدمہ بھی درج ہے۔